Eskola  Feministarako  udaberrirako  3  ikastaro  berri  Emakumeen  Etxean

Eskola Feministarako udaberrirako 3 ikastaro berri Emakumeen Etxean

Apirila eta ekaina bitarterako antolatutako Eskola Feminista aurkeztu du Errenteriako Udalak.

Autodefentsa feminista. Ikastaro honen helburua erasoak identifikatzea eta indarkeria nola sortzen eta eraikitzen den aztertzea. Era berean, mekanismoak eta ekintzak bilatuko dira eguneroko bizitzan jasaten diren eraso egoerei erantzuteko.

Desprintzesatze tailerra. XXI. mendean emakumeok ez dugu bizitza dorre batean ematen printze bat etorri eta salbatuko gaituen esperantzan. Baina badira “printzesa” izateko esperantzara eramaten gaituzten dinamika sozial asko.

Mindfulness eta emozioen kudeaketa. Tailerrean osasun eta oreka emozionala lortzeko tresnak geureganatuko ditugu. Helburua momentua bizitzen ikastea eta adimen osasuntsu eta positiboa sortzea.

Informazio gehiago hemen.

Posible  al  da  segurtasun  bakezale  bat?

Posible al da segurtasun bakezale bat?

“Políticas de seguridad para la paz” liburuaren aurkezpena eta ondoren  Arcadi Oliveres eta Jordi Calvo-rekin batera solasaldia ospatuko da, martxoaren 28an Donostian. Solasaldi hau otsailean burutu behar zen baina bertan behera utzi zen.

Posible al da segurtasun bakezale bat? Militarismoa ardatz duen ohiko eredu tradizionalean oinarritzen da gaur egun hegemonikoa den segurtasun politika, ia estatu guztiek dituzte ejertzitoak, behar den unean eta lekuan erabili ahal izateko prest duten baliabide  armatua. Ikuspegi honen baitan, estatu hauek uste dute arrazoi nahikoak daudela gatazka armatuetan parte hartzeko, eta ondorioz antzeko defentsa politikak garatzen dituzte.

Baina badago beste segurtasun eredu bat, gauzagarri dena eta beharrezkoa. Tokiko alternatibak eta globalak daude, segurtasunezko politika bakezaleak balorean jarri ditzaketenak, eta gainera bakea eta giza segurtasunaren kulturarekin koherenteak direnak. 

“Políticas de seguridad para la paz” (Icaria editorial 2018) liburuaren aurkezpenean gai guzti horiek jorratuko dira, bakearen ekintzaile eta nazioarteko ekonomian aditu den Arcadi Oliveresen eskutik. Aurkezpenaren ondoren solasaldirako aukera egongo da eta partaideen galdera eta ekarpenekin idei trukaketa garatuko da ponentearekin.

Solasaldia Centro Delàs de Estudios para la Paz elkarteak eta Bake-Ekintza Antimilitaristak antolatu dute, martxoaren 28an egingo da, 19:00etan, Donostiako Aiete Kultur Etxean. 

“Afrika  askatu  kolonialismoa  suntsituz”  jardunaldiak

“Afrika askatu kolonialismoa suntsituz” jardunaldiak

Oinez abiatzen dira euren sorterria eta laztanak atzean utziko dituztenak. Oinez , zailtasunak, bortxaketak, lapurketak, bahiketak, eragozpen burukratikoak eta baita ere lagunak eta irriparrak aurkituko dituzte.  Oinez zeharkatuko dituzte mugak, herriak, hiriak, basamortuak, errekak eta mendiak euren kontinentea utzi baino lehen. Oinez iritsiko dira gaindiezina irudituko zaien ur hesira. Oinutsik  itoko dira, haietako asko, itsasertzean. Beste batzuk, zorionekoak, hondartzaratuko dira igerilari txurien begirada harritupean. 

Amankomunak sareak bere hiruhileko Topaketak otsailaren 23an eta 24an ospatuko ditu Irungo Lakaxitan.  Bertan harresirik gabeko mundu bateruntzako urratsak elkarrekin  emango ditugu.

Donostia  Defendatuz  koordinakundea  aurkeztu  dute

Donostia Defendatuz koordinakundea aurkeztu dute

DONOSTIA DEFENDATUZ Koordinakundea aurkeztu dute prentsaurrekoan:

“DONOSTIA DEFENDATUZ” koordinakundea aurkeztu dute gaur goizean hainbat taldek eta elkartek Udaletxean emandako prentsaurrekoan. Hirigintza garbi, parte-hartzaile eta jasangarri baten alde sortu berri den koordinakunde honen aurkezpenean irakurritako agiria (gazteleraz eta euskaraz) dd nota prensa oharra elebitan  eta prentsaurrekoaren argazki bat atxikita bidaltzen dizkizugu.

Harremanetan jartzeko kontaktua:

donostiadefendatuz@gmail.com