“Barraskiloa eta balea”, Bizitu proiektuaren saio berriko filma

“Barraskiloa eta balea”, Bizitu proiektuaren saio berriko filma

“Barraskiloa eta balea”, igande honetarako egokitutako familia zinemaren Bizitu proiektuaren saio berriko filma

Bizitu

Datorren igandean, maiatzak 7, Errenteriako Niessen auditorioan, goizeko 11etan, Bizitu familia-zinema egokituaren proiektuaren beste saio bat egingo da, Errenteriako Juneren Hegoak eta Mindara elkarteek antolatuta. El caracol y la ballena (Barraskiloa eta balea) filma euskaraz proiektatuko da. Sarrera doakoa da, baina edukiera mugatua du eta eserlekua erreserbatu behar da sarrerak.errenteria.eus webgunearen bidez.

Gaur egin da Bizitu-ren saio berri hau aurkezteko prentsaurrekoa, eta bertan izan dira: Maite Gartzia, kultura zinegotzia; Nagore Portugal, Ozzinematik; Arrate Aleman eta Usoa Martínez, Mindaratik; Onintze Aguirre, ekimenaren sortzailea, eta Beatriz Martín eta Yolanda Martín, Juneren Hegoaketik. Hedabideekin egindako topaketan adierazi dutenez, azken saioetan bezala, Eskuaire elkarteak aldi bereko itzulpena eskainiko du zeinu hizkuntzan.

Bizitu Zinema proiektua 2017an sortu zen, kultura-espazioek beharrizan bereziak dituzten adingabeen familientzako aisia (batez ere zinema-aretoentzako) – eta kultura-eskaintza eskuratzeari dagokionez zituzten zailtasunak ikusi ondoren. “Bizitu-k zinemaren esperientzia publiko guztiengana hurbildu nahi du, haien arteko desberdintasunak errespetatuz, giro ludikoa sortuz eta, batez ere, Juneren Hegoak eta Mindara elkarteetako kide diren txiki batzuen behar espezifikoei erantzunez”, antolakundetik adierazi dute. 

Horregatik, ikusle guztientzako film bat eskaintzeaz gain, saioan, adibidez, film hori komentatu ahal izango da, argiak piztuta eduki ahal izango dira, eserlekuetatik mugitu ahal izango da beharrezkoa izanez gero, espazioa parte-hartzaileen erosotasunerako prestatuko da eta bolumena zinema-aretoetan ohikoa dena baino baxuagoa jarriz egokituko da, besteak beste, zinema dibertsitate funtzionala duten txikien errealitatera egokituz, esperientzia hori beste haur eta familia batzuekin partekatu ahal izan dezaten.

57 minutuko animaziozko film honek gertagaitza den adiskidetasun baten istorioa kontatzen du: espiritu urduri eta abenturazalea duen barraskilo txiki bat, balea konkordunarekin itsasoetan zehar bidaia batean murgiltzen dena. Barraskiloak mundua ikusi nahi du eta balea baten isatsera igotzen da. Elkarrekin sekulako bidaia egiten dute, tenpoak eta sumendiak zeharkatzen dituzte. Film polita familia osoarentzat, Bizituko antolakuntzatik igande honetan ikustera animatzen dena.

MINDARA-ri BURUZ

Mindara 2011ko otsailaren 21ean jaio zen, eta Oarsoaldean hasi zen lanean 2012an, jarduera fisiko inklusiboaren, kirol egokituaren, osasunaren eta prestakuntza-aisialdiaren arloetan. Dibertsitate funtzionala duten haur, nerabe eta helduei arreta ematen die, eta, era berean, beren programetan parte hartzera gonbidatzen ditu nahi duten pertsona guztiak, inklusioaren esperientzia lehen pertsonan partekatzera, eta horrela, dibertsitate funtzionala duten nahiz ez duten pertsonak elkarrekin erlazionatu eta egoteaz goza dezaten taldeak sortzea bilatzen du.

Mindara

JUNEREN HEGOAK-ri BURUZ

Juneren Hegoak bere hamargarren urteurrena ospatzen du aurten, eta bere helburua da zaurgarritasun-egoeran dauden eta gaixotasunak, dibertsitate funtzionaleko egoerak eta/edo adingabeen dolua jasaten ari diren Gipuzkoako familiei laguntzeko sare bat sortzea, eta haien bizi-kalitatea hobetzen lagunduko duten aukera batzuk eskaini ahal izatea.

Mindara
Poesia solidarioaren saioa  Juneren Hegoak elkartearen alde

Poesia solidarioaren saioa Juneren Hegoak elkartearen alde

MARTXOAK 21: POESIAREN NAZIOARTEKO EGUNA

Errenteriako Noski! liburu-dendak bere laugarren poesia solidarioaren saioa egingo du Juneren Hegoak elkartearen alde.

Errenteria, 2023ko martxoaren 17a.- Errenteriako Noski! liburu-dendak, Sihara Nuño eta Juan Manuel Uria poeten proiektuak, laugarren urtez jarraian poesia solidarioaren saioa antolatu du, Poesiaren Nazioarteko Egunaren barruan. Aurten, Juneren Hegoak elkarteari eskainiko zaio. Hala, datorren asteartean, martxoak 21, 18:30etan, literaturarekin lotutako hainbat pertsonak, hala nola Aitor González, Amada Bodón, Eva Berian Estévez, Irene Sotelo, Lourdes Dominguez Carrasco, Maite Lorenzo Sánchez, Mercedes García Sieira, MMar Estébez García, Naroa Martínez, Patricia Pérez Redondo, Violeta Morcillo edo Xoan Alonso, baita elkarteko boluntarioek ere, irakurketa poetikoa egingo dute liburu-dendan bertan. Sarrera librea da guztientzat.

Saioan zehar, elkartearen eta bere lanaren berri emango zaie bertaratutakoei. Lan hori orain dela 10 urte hasi zen, kalteberatasun-egoeran dauden eta gaixotasunei, dibertsitate funtzionaleko egoerei eta/edo adingabeen doluari aurre egiten dieten Gipuzkoako familiei laguntzeko sare bat sortuz, eta haien bizi-kalitatea hobetzen lagunduko duten aukera batzuk eskainiz. Era berean, Juneren Hegoak elkartearen produktu solidarioak erosi ahal izango dira, laguntzen dien familiei artatzeko.

Elkarteak ekitaldi honetara joatera animatu nahi du eta eskerrak eman nahi dizkio liburu-dendari bere laguntzagatik: “Noski! Juneren Hegoak elkartearen familiako kidea da, hasieratik gurekin asko inplikatu delako, gure egutegiak saldu dituelako eta gure jarduerak eta ekitaldiak bere liburu-dendan zabaldu dituelako. Orain, gure hamargarren urteurrenarekin batera, elkartasunezko poesia-saioa eskaintzen digu, eta esperientzia hori partekatzeko aukera ematen digu. Gainera, Carlos Sánchez presidenteak bere alaba Juneri idatzi zion poesia sartu dute. Izan ere, June izan zen elkarte horren hazia, 2013an minbiziak jota utzi gintuena. Poesiak sendatu, elikatu eta batu egiten duela uste dugu, eta, beraz, oso saio hunkigarria eta suspergarria izango dela ziurta dezakegu”.

Ekitaldi hau, Juneren Hegoak Elkarteak 2023an zehar burutuko dituen bere hamargarren urteurreneko ekintzen barruan kokatzen da. Azkenik, elkarteak bere kausarekin kolaboratzeko deia egin nahi die guztiei, boluntariotzaren bitartez, Teaming bezalako kanalen bitartez edo bere IV. June Sánchez Tolaretxipi Beka, haur minbiziaren ikerketara bideratua, gauzatzeko aktibatu duen crowdfounding bidez, plataformaren bitartez.

https://www.migranodearena.org/reto/beca-june-sanchez-tolaretxipi-para-la-investigacion-del-cancer-infantil.

OTSAILAK 15: HAUR MINBIZIAREN EGUNA

OTSAILAK 15: HAUR MINBIZIAREN EGUNA

Juneren Hegoak elkarteak crowdfounding bat jarri du abian June Sánchez Tolaretxipi bekaren IV. edizioa finantzatzeko

Errenteria, 2023ko otsailaren 14a.- Juneren Hegoak elkarteak hamargarren urteurrena ospatzen du aurten, eta crowdfounding bat jarri du martxan www.migranodearena.org plataformaren bidez, haur-minbizia ikertzeko June Sánchez Tolaretxipi bekan eman ohi dituen 3.000 euroak lortzeko.

June Sánchez Tolaretxipi txikia, elkarte horretako germena, 2013an hil zen, bi urte zituela, neuroblastoma baten ondorioz. Nerbio-ehunean sortzen den haur-minbizi mota bat da, giltzurrunen goiko aldean dauden giltzurrun-guruinetan sarriago hasten dena. Lepoan, bularrean edo bizkarrezur-muinean ere has daiteke. Jaio aurretik ager daitekeen arren, ohikoagoa da bizitzako lehen urtean diagnostikatzea 3 urte bete arte. Hilkortasun handiko tumore oldarkorrak dira. Ia kasu guztietan, neuroblastoma bat detektatzen denerako, gorputzeko beste atal batzuetara sakabanatu da. Juneren kasuan dena oso azkar joan zen.

Urte horretan bertan, gurasoek eta lagun talde batek Juneren Hegoak elkartea sortu zuten Errenterian. Orduz geroztik, laguntza-sare bat sortzen du egoera ahulean dauden eta gaixotasunak, dibertsitate funtzionaleko egoerak eta/edo adingabeen dolua jasaten ari diren Euskadiko familientzat, eta haien bizi-kalitatea hobetzen lagunduko duten aukera batzuk eskaintzen ditu.

2015ean elkarteak beste urrats bat eman zuen, eta June Sánchez Tolaretxipi Beka sortu zuen, Euskal Herriko Pediatria Elkartearekin batera, helburu bikoitzarekin: batetik, June omentzea eta gogoratzea, eta, bestetik, haurren minbizia ikertzea bultzatzea, haur horiek eta haien familiak hobeto bizi daitezen, elkartearen hiru helburu nagusietako bigarrena betez, hau da, haurren gaixotasunen aurka borrokatzea (lehenengoa familiei laguntzea eta orientatzea da, eta hirugarrena, berriz, haurren gaixotasunen errealitatea gizarteari hurbiltzea).

“Ikerkuntzan sendo sinesten dugu, haurren gazteen aurkako borrokarako irtenbide bakartzat. Zoritxarrez, gaur egun, ikerketarako laguntzak mugatuak dira. GKEen sektorea ere ez da une ona bizitzen ari, bizi behar dugun egoera dela eta. Horregatik, aurten gure laugarren beka beste era batera aurkeztu nahi izan dugu, herritarrak 3000 euro lortzeko erronka honetan inplikatuz, haur minbiziaren ikerketara bideratuko direnak. Edozein ekarpen, txikia bada ere, ongietorria izango da”, diote Juneren Hegoak elkartetik.

Crowdfounding ekimen honetan ekarpenak egiteko esteka hau da:

EKARPENAK

Hiru beka, hiru ikerketa giltzarri

June Sánchez Tolaretxipi I. beka Idoia García Camino doktoreak eraman zuen 2015ean, Gipuzkoako haur eta nerabeen tumore pediatriko arraroen karakterizazio molekularrari buruzko lanagatik. Bestalde, II. Beka eta III. Beka Gurutzetako Ospitaleko Pediatriako buru Itziar Astigarraga ikertzaileari eta haren taldeari, Biocruces Institutuko haur-minbiziari buruzko ikerketa-taldeari, esleitu zitzaizkien. Lehen lanean, minbizia duten haur eta nerabeen infekzio larriak diagnostikatzeko markatzaileak aztertu zituzten. Bigarren ikerketan, berriz, pediatriako sarkomen (tumore gaiztoak) diagnostikoa, pronostikoa eta tratamendua hobetzeko analisia landu dute. Tumore pediatriko guztien % 15 dira, gutxi gorabehera. Azterketa horiek guztiek haurren minbiziaren ikerketan egiten dute ekarpena, eta hori funtsezkoa da minbizia dutenen bizi-itxaropena handitzeko.

Juneren hegoak eguna ospatuko du 2022/10/15ean

Juneren hegoak eguna ospatuko du 2022/10/15ean

Juneren Hegoak.

Elkarteak Errenterian ospatuko du bere egun handia urriaren 15ean

 501 Legioko eta Indar Arrosako tropa inperialetako pertsonaia karismatikoak, R2-KT droidearekin batera, ospakizun honetara batuko dira The Pink Force fundazioari esker

Elipsis dantza taldeak eta Oihan Vega DJak musikaz eta dantzaz alaituko dute arratsaldea 

2022ko urriaren 15a.- COVID 19aren pandemiak behartutako bi urteko etenaldiaren ondoren, Juneren Hegoak elkarteak bere egun handia ospatuko du Errenterian datorren urriaren 15ean. Gernika Plaza alaitasunez, musikaz eta elkartasunez beteko duten ekitaldiz betetako eguna.

Gaurko prentsaurrekoan egon dira Maite Gartzia, Errenteriako Udaleko kultura zinegotzia; Alazne Mendikute, Juneren Hegoak-eko ekitaldien arduraduna; Gorka Lizaso, Elipsis Taldekoa, eta Andoni Serrano, The Pink Force fundazioko presidentea, R2-KT robotarekin batera.

Urriaren 15ean, larunbata, 10:30etik 13:30era, puzgarriak, eskulanak eta aurpegi margoketak egongo dira. Guuk Gipuzkoa Basketek ere bere lekua izango du, elkartearekin lankidetza hitzarmena baitu. Eguneko lehen zati honetako plater nagusia 501 Legioko eta Indar Arrosako tropa inperialetako pertsonai karismatikoen bisita izango da, R2-KT droidearekin batera, eta parte-hartzaileekin batera argazkiak atera ahal izango dira. 501 Legioa, sagaren jarraitzaileek osatua, The Pink Force Fundazioaren ekimena da. Irabazi-asmorik gabeko erakundea da, eta gaixo dauden haurrei poza eta ilusioa eramatea du helburu, baita ospitalean dauden bitartean ere. Une magikoak sortzen ditu R2-KT droidearekin egiten dituen topaketetan, eta haurren bizi-kalitatea hobetzen laguntzen duten erakundeei ikusgarritasun handiagoa ematen die.

Arratsaldean, 17:00etan, Elipsis Taldeak dantza erakustaldia egingo du. Ondoren, Joxan Campano pandemian hil zen Juneren Hegoak elkarteko kideari omenaldia egingo zaio. Urrezko amaiera Oihan Vega DJak jarriko du. Luisma Laboa kazetariak egingo du speaker lana eta berak aurkeztuko ditu ekitaldiak eta bertan daudenak animatu.

Egun osoan zehar, Mindara, Bihotzez, Bpanspain (Juneren Hegoak-eko umeen familietako bat ere badena) eta Mowat Wilson Sindromearen Espainiako Elkartea (AESMOWI) izango dira Gernika Plazan, informazio postuekin eta merchandising-ekin. Eguraldiak lagunduko ez balu, jarduera guztiak Koldo Mitxelena ikastetxera eramango lirateke.

Alazne Mendikutek, Juneren Hegoak-eko ekitaldietako arduradunak, Errenteriako eta inguruko herrietako herritar guztiei egunaz gozatzeko deia egin die: “Gogotsu eta indar handiz itzuliko gara geldialdi luze baten ondoren. Herritar guztiei irekitako ospakizuna da, eta bertan izango dira gure boluntarioak eta familiak. Beraz, aukera ona da oraindik ezagutzen ez gaituztenak urriaren 15ean Gernika Plazara hurbildu eta elkartean zer egiten dugun ikusteko. Gure boluntarioek lan goresgarria egiten dute, baina beti daude ongi etorriak lagundu nahi duten pertsona berriak.”

Maite Gartzia Errenteriako Udaleko kultura zinegotziak, berriz, azpimarratu du: “Udalak eskerrak ematen dizkio Juneren Hegoak-i egiten duen lana guztiagatik. Guretzat harro egoteko modukoa da horrelako elkarte bat izatea, bere balioekin eta, gainera, herriarentzat hainbeste lan egiten duena.”

Juneren Hegoak gaixotasuna duten haurrei eta haien familiei laguntzeko elkarte bat da, galera batetik, Juneren gaixotasunaren (minbizia) ondoren egindako agurretik eta aitaren eta amaren maitasun izugarritik jaio zena. Txikiari agur esan behar izan zioten laster, 2013an. Gaixotasun bat duten eta edozein motatako baliabiderik ez duten haurren familiei estaldura ematea izan du helburu beti.

Iaz, erakundeak 27 familia artatu zituen (2021ean 4 familia berriak sartu ziren), eta horiei laguntza ekonomikoa eman zien terapiak ordaintzen eta laguntza ez ekonomikoak ematen, hala nola laguntza asistentziala eta aholkularitza. Guztira, 30.000 euro baino gehiago eman zituen, familiei, beste GKE batzuei eta ikerketarako (Beca June Sánchez Tolaretxipi). Gaur egun 50 pertsona boluntario daude elkartean eta 700 teamers inguru ditu, hau da, Juneren Hegoakeko familiei laguntzeko Teaming bidez elkarteari hilean euro bat ematen dioten personak. Partikularren eta erakunde publiko eta pribatuen laguntzak eta dohaintzak ere jasotzen ditu.

 
III June Sánchez Tolaretxipi beka

III June Sánchez Tolaretxipi beka

 Juneren Hegoak. Prentsa Oharra

Juneren Hegoak  Elkarteak eta Euskal Herriko Pediatria Elkarteak June Sánchez Tolaretxipi III. Beka eman diote Itziar Astigarraga doktore eta ikertzaileari, Gurutzetako Ospitaleko Pediatriako buruari eta Biocruces Institutuko haurren minbiziari buruzko ikerketa-taldearen arduradunari. Ekimen honen helburua da haur-onkologiako ikerketa-proiektu bati finantza-laguntza ematea, diziplina horrekin lotutako edozein arlotan, paziente-talde horren diagnostikoa, jarraipena eta tratamendua hobetzen laguntzeko.

Gaur egun, elkarte honek laguntza-sare bat sortzen du ahultasun-egoeran dauden eta gaixotasunei, dibertsitate funtzionaleko egoerei eta/edo adingabeen dolu-egoerei aurre egiten ari diren Gipuzkoako familientzat, eta haien bizi-kalitatea hobetzen lagunduko duten aukera batzuk eskaintzen ditu. Halaber, bere misio bera duten beste erakunde batzuekin lan egiten du, eta haurren gaixotasunen aurkako borrokan irmo sinesten du ikerketaren bidez.

Itziar Astigarraga ikertzaileak aurkeztutako proiektua, hau da, sarkoma pediatrikoen diagnostikoa, pronostikoa eta tratamendua hobetzeko balio duen erantzun immune antikumoralaren aldaerak eta ligando erregulatzaileak aztertzen dituena, bi erakundeek aukeratu dute eta 2022an garatuko da. Azpimarratzekoa da ikerlari hori izan zela June Sánchez Tolaretxipi II Bekaren irabazlea, duela bi urte infektatzaile larriei buruzko azterketa bat egin ahal izan zuena.

 

 

 

Biocruces

Tumore oso agresiboen diagnostikoa, tratamendua eta pronostikoa hobetzea

Horixe da azterlan honen helburua, eta hala azpimarratzen du Itziar Astigarragak: sarkomak oso tumore oldarkorrak dira, eta haien biziraupena ez da ia hobetu azken urteotan. Horregatik, beharrezkoa da tresna berrien bilaketa ikertzea, hezur, muskulu eta zati bigunei erasaten dieten tumore mota horren diagnostikoa, tratamendua eta pronostikoa hobetzeko. Onkologia pediatrikoko taldean, hezurretako sarkomen karakterizazio molekularra ikertzen ari gara, baina ikerketa beste sarkoma mota batzuetara zabaldu nahi dugu, eta emaitza berritzaile batzuen interpretazioan aurrera egin.

Panel genikoen azterketetan (NGS) oraindik esanahi ezezaguna duten aldaerak detektatzen dira, eta, beraz, beharrezkoa da ikertzea ea garrantzitsuak izan daitezkeen sarkoma motak hobeto bereizteko, ea pronostiko gisa funtzionatzen duten edo farmako berrien garapena errazten duten dianak izan daitezkeen. Era berean, erantzun immunean duten papera aztertuko da, sarkomen garapena geldiaraztea lortzen ez duten defentsen mekanismoetako akatsak ezagutzeko. Beraz, doitasunezko medikuntzako proiektu bat da, paziente horien diagnostikoa eta tratamendua hobetzeko tresna berriak garatu nahi dituena.

 

Ikerketan inbertitzearen garrantzia

Euskal Herriko Pediatria Elkarteak eta Juneren Hegoak elkarteaak gure gizartean ikerkuntzak duen garrantzia azpimarratzen dute, baita ikertzaile-taldeentzat dauden benetako zailtasunak ere. Juneren Hegoak elkarteak honako hau adierazi du: “Egungo egoera hain zaila izanik ere, ahalegin bat egin nahi izan dugu, ekimen honen hirugarren edizio bat bultzatuz, aurreko edizioekin bat datorren ekarpen ekonomiko batekin. Pandemiak ikerketa-proiektuak abian jartzeko eta garatzeko sortzen dituen zailtasunak kontuan

hartuta, beharrezko ekintza dela uste dugu. Uste dugu ikerketarik gabe ez dagoela itxaropenik, eta itxaropenik gabe ez dagoela etorkizunik. Aurten 3.000 €-ko ekarpena egin du Juneren Hegoak elkarteak.

logo Juneren hegoak
Logotipos
Txiki Txokoaren inaugurazioa

Txiki Txokoaren inaugurazioa

Txiki txokoaren inaugurazioa Donostian

Ostegun honetan, 2021eko abenduaren 16an, Txiki Txoko gunearen inaugurazioa ospatu da. Ekitaldira Donostiako Udaleko hainbat udal kargu bertaratu dira, baita erakunde horretako berdintasun-teknikariak ere. Proiektu hau Arrats Elkarteak gidatuko du eta bertan Donostiako Udaleko Berdintasun sailak laguntzen du.

 

Zer da Txiki Txoko?

Ekimen hau laguntza psiko-hezitzailea eta soziala eskaintzean datza prozesu migratzaileetan murgildurik dauden emakumeei, euren seme-alabekin kontziliatzeko alternatiba bat eskaintzen zaien aldetik modu berean. Emakume hauen ahalduntzea sustatzen saiatzen gara, ahal duten heinean euren bizitzen jabe izan daitezen eta euren bizitzen kontrola eduki dezaten, modu kontziente batean erabakiak hartzeko, emakume etorkin hauen bizitza sozialaren aspektu guztietan sarbidea, parte hartzea eta inplikazioa errazten den heinean.

Zeini dago bideratuta?

Bazterketa arriskuan dauden seme alabak dituzten emakumei dago bideratua zerbitzua, kasu gehienetan, emakume etorkinak direlarik. Ahultasun egoeran dauden emakumeak dira, adin txikiko haurrekin edota haurdunaldi egoeran aurkitzen diren emakumeak, euren jatorrizko herrialdeetan zorrak dituztenak eta kasu batzuetan jatorrizko herrialdeetan seme-alabak dituztenak. Lan baldintza eta lan egoera oso txarrak dituztenak, batzuk erregularizazio prozesuan, familia hausturarengatik dolua pasatzen ari diren emakumeak, deserrotze egoeretan, kultura talka bat bizitzen ari direnak eta sozialki sare eta erlazio faltan daudenak.

Gaur egun zeintzuk osatzen dute?

Gaur egun 50 bat emakume etorkinek osatzen dute taldea, euren seme-alabekin. Gehiengoa ama bakarreko familiak dira, nahiz eta zainketa lanak egiten dituzten aitek ere ateak irekiak dituzten eta eurekin ere esku hartzeak burutzen direlarik edota informazio eta orientazioa eskaintzen zaielarik. Hala ere, emakumeengan jartzen da fokua.

Lantzen diren helburuak:

Ahalduntzea

Ahalduntzea sustatu, euren bizitzen jabe izan daitezen prozesu migratzailean eta euren integrazioan. Emakume hauei laguntza eskaintzen zaie alor emozionalean, konkretuki migrazioarekin loturiko ibilbidean: familia- hausturan eta elkartzean, harreman transnazionaletan eta  migrazioaren zergaitietan. Errekurtso sozialak ezagutzen dira, hauetara sarbidea izan dezaten. Migrazio ibilbidearen, genero baldintzatzailearen, dolu eta familia galtzearen aspektuen inguruko hausnarketa eta barneratze espazio bat izan dezaten bultzatzen da. Gaitasun eta ahalmenak indartzen saiatzen gara eta errekurtsoen informazioa zein sarbidea bermatzen da.

kontziliazioa

Zainketaren eta umeen arretaren kontziliazioa bermatzea, emakumeei errekurtso sozialei,, osasunezkoei eta kulturalei denbora eskaini diezazioten errazten, euren integrazio sozial eta lanekoan prozesu indibidual eta pertsonalizatu bat garatu ahal izateko. Amatasunean eta haurdunaldian laguntza eta akonpainamendua ematen zaie emakume hauei, segurtasuna eta babesa eskainiaz. Zainketaren eta haurren heziketaren inguruko kezkei eta galderei erantzuten zaie, behar duten orientazioa eta informazioa jasoaz: atxikimendu erlazioan, osasun-, janari-, segurtasun -, garbitasun-, lo- ohituretan, etab.

Sareak eraiki

Babeseko sare sozial bat eraikitzea emakume bakoitzaren inguruan, laguntza sozialaz, emozioanalaz eta instrumentalaz bermatzen diena, bereziki bolondresen aldetik eta proiektuko beste emakumeen aldetik ematen dena. Harrera kulturaren eta ohituren baloreen ezagupena eta transmisioa ematen da, gure kasuan, Euskal Herriko kultura eta tradizioarena bolondresen aldetik.

Bolondresak

Bolondresen gestioa eta dinamizazioa. Parte hartze soziala sustatzea bolondresen perfilaren bitartez, emakume hauen eta haur hauen integrazioa sustatuaz modu honetara eta azken bi hauen errealitatea eta ahultasun egoerak ezagutzera emanaz.

Zein funtzio sozial betetzen du?

Programa honek hainbat zerbitzu osagarri eskaintzen eta horietara bideratzen ditu emakumeak, baita euskarri sozial ezberdinak eskaini ere, bizitza sozialerako aspektu guztietara sarbidea errazteko: laguntza emozionala eta euren seme alaben zainketarako errekurtso ezberdinak bilatzen dira beraiek alor sozialean eta lan alorrean txertatzen joateko, edo euren bizi kalitatea hobetzen dituzten formakuntza ezberdinak egiteko. Guzti honekin, emakume hauen isolamendua leuntzen saitazen gara, komunitate erreferente ezberdinak eskainiaz, harrera herrialdeko pertsonekin harreman berriak eraikiaz, bolondresek osaturiko sare baten bitartez eta programako beste parte hartzaileen bitartez.

Proyecto Txiki Txoko
FLAYER TXIKI TXOKO